TRANSFERS: Tottenham yasinyishije Emile-Hojbjerg, David Silva mu nzira zigana mu Butaliyani & Andi makuru

By Mugisha Aimé-Thierry Aug 11, 2020 09:08pm 491 Views

TRANSFERS: Tottenham yasinyishije Emile-Hojbjerg, David Silva mu nzira zigana mu Butaliyani & Andi makuru


Amakuru atandukanye avugwa mu igura n'igurishwa ry'abakinnyi ku mugabane w'Uburayi kuwa Kabiri, tariki 11 Kanama — harimo avugwa kuri Emile-Hojbjerg, David Silva, Kai Havertz n'abandi benshi

Amakuru y'ukuri / Real Talk

Tottenham Hotspur yamaze gusinyisha Pierre Emile-Hojbjerg imukuye muri Southampton aho yasinye amasezerano y'imyaka itanu aguzwe €20M — Kyle Walker-Pieters yerekeje muri Southampton.

Lazio iri hafi gusinyisha David Silva wasoze amasezerano muri  Manchester City — uyu musore ukomoka muri Espanye biteganyijwe ko azasohoka muri Manchester City ubwo imikino ya Champions League izaba usojwe ku ruhande rwa Man City. Azerekezamo ku buntu.

Juventus ntabwo iri mu rugamba rwo gusinyisha Sandro Tonali wa Brescia, byatangajwe ba Romeo Agresti.

Lille yamaze kwibikaho rutahizamu wa KAA Gent, Jonathan David nk'umusimbura wa Victor Osimhen werekeje muri Napoli — David yasinye amasezerano y'imyaka itanu aho yaguzwe €31.5M.

Kai Havertz ari gushyira igitutu kuri Bayer Leverkusen ngo imurekure yerekeze muri Chelsea. Yahawe ikiruhuko cy'ibyumweru bibiri nyuma yuko Leverkusen isezerewe muri Europe League. Ibiganiro bigiye gukomeza hagati y'amakipe yombi bareba ko bakumvikana, byatangajwe na Christian Falk.

Thiago Alcantara arashaka kwerekeza muri Liverpool kandi ba Bayern München yiteguye ku murekura mu gihe ikipe imushaka yakwishyura amafaranga bashaka, FC Bayern ishaka €30M kuri uyu musozo ukina hagati mu kibuga.

Ibyo wasibye ejo hashize

Liverpool yasinyishije myugariro ukina ku ruhande rw'ibumoso. Kostats Tsimikas yasinye amasezerano y'imyaka itanu aguzwe £11.7M avuye muri Olympiacos. Azambara nimero 21 muri iyi kipe yambara umutuku n'umweru. 


Gira icyo ubivugaho


INKURU BIJYANYE


By Kwizera Yamini
Nov 8, 2017 2406 Views

By Kwizera Yamini
Nov 9, 2017 1712 Views

By Kwizera Yamini
Nov 28, 2017 2574 Views