Ibihano Manchester City yafatiwe na UEFA byakuweho yemererwa gukina Champions League

By Mugisha Aimé-Thierry Jul 13, 2020 10:42am 700 Views

Ibihano Manchester City yafatiwe na UEFA byakuweho yemererwa gukina Champions League


Manchester City izemererwa gukina UEFA Champions League n'indi mikino ihuza amakipe y' i Burayi, uhereye mu mwaka w'imikino utaha wa 2020-2021 nyuma yuko ibihano yari yafatiwe bikuweho n'urukiko mpana byaha rw'imikino 'CAS'.

Manchester City yari yarahanwe na UEFA kubera kwangiza amategeko agenda igura n'igurishwa ry'abakinnyi ku mugabane w' u Burayi nuko batanga ikirego muri CAS, byarangiye ibihano yafatiwe bikuweho.

Muri Gashyantare, Manchester City yashinjijwe amakosa yo kwangiza amakosa agenga igura n'igurishwa ry'abakinnyi ku mugabane w'Uburayi nuko ihanishwa imyaka ibiri ititabira amarushanwa yo ku mugabane w'Uburayi ndetse icibwa miliyoni €30 zagabanyijwe zikaba €10m.

Bisobanuye ko Manchester City izitabira imikino ihuza amakipe yabaye aya mbere iwayo ku mugabane w'Uburayi mu mwaka w'imikino utaha nyuma yuko abakunzi bayo benshi bibazaga uburyo batazakina Champions League.

Kugeza ubu amakipe ahatanira gukina Champions League muri Premier League agomba guhatanira imyanya ine ya mbere mu gihe byashobokaga ko iya gatanu yakina Champions League umwaka w'imikino utaha mu gihe Manchester City yari kuba ihanwe.

Manchester City ikuriweho ibihano, Pep Guardiola uyitoza ntabwo yigeze atakaza ikizere ko batazakina iyi mikino nkuko yakunze kubigarukaho cyane ko yizeye ko ibihano bafatiwe bizakurwaho.

Byavugwaga ko abakinnyi batandukanye Manchester City bashobora kuyisohokamo mu gihe yaba ihanwe, bisobanuye ko bose ubu batuje ndetse bitegura gukina Champions League umwaka w'imikino utaha — kugeza ubu bahagaze ku mwanya wa kabiri muri Premier League. 


Gira icyo ubivugaho


INKURU BIJYANYE


By Kwizera Yamini
Oct 26, 2017 3731 Views

By Kwizera Yamini
Oct 26, 2017 8655 Views

By Kwizera Yamini
Oct 26, 2017 4423 Views