Tennis: Naomi Osaka w'imyaka 22 yegukanye rya US Open - AMAFOTO

By NSANZIMANA Christopher Sep 13, 2020 11:35am 115 Views

Tennis: Naomi Osaka w'imyaka 22 yegukanye rya US Open - AMAFOTO


Irushanwa rya United States Open (Tennis Championships) 'US Open' ryari rimaze igihe ribera muri Leta Zunze Ubumwe z'Amerika ryaraye risojwe mu rucyerera rwo kuri iki cyumweru tariki ya 13 Nzeri 2020, ryegukanwa n'Umuyapanikazi w'imyaka 22 y'amavuko.

Ni irushanwa kandi rimaze igihe kinini ribayeho, dore ko rimaze imyaka igera kuri 139 rikinwa, ndetse rikaba ari irushanwa rikundwa cyane ndetse rinakurikiranwa cyane n'abakunda uyu mukino ku Isi yose.

Wari umukino ukomeye, ndetse wari uhanzwe amaso n'abatari bacye, dore ko US Open iri mu marushanwa akurikiranwa cyane ku Isi, kimwe na Australian Open, French Open ndetse na Wimbledon.

Ni umukino wahuzaga umuntu umwe kuri umwe 'Singles woman's', dore ko mu marushanwa ya Tennis, hari ubwo ashobora no guhuza abantu babiri ku ruhande rumwe, n'abandi babiri ku rundi ruhande 'double Woman's', kandi aha bibaho yaba mu abagabo cyangwa mu abagore. 

Umukino wa nyuma wabereye kuri sitade ya Arthur Ashe Stadium, wahuje Naomi Osaka w'imyaka 22 y'amavuko uturuka mu gihugu cy'Ubuyapani 'Japan' ndetse na Victória Fyódorovna Azárenka ukomoka muri Belarus.

Ni umukino wa nyuma warangiye Naomi Osaka yegukanye iri rushanwa rya US Open atsinze ama-seti 'Set' (3-1) bwa Victória Fyódorovna Azárenka.

Seti ya mbere yegukanwe na Azárenka itsinze Osaka amanota 6-1, seti yaka kabiri yegukanwa na Osaka atsinze ku manota 6-3, mu gihe seti ya gatatu nayo yegukanwe na Osaka ku amanota 6-3.

Naomi Osaka kugira ngo yegukane iyi US Open ya 2020, muri 1/4 yari yasezereye Shelby Rogers ku ama-seti abiri (2-0) kuko iya mbere yayitsinze ku manota 6-3, ndetse iya kabiri ayitsinda ku manota 6-4.

Muri 1/2, Osaka yari yakuyemo Jennifer Brady ku ama-seti (3-2) kuko seti ya mbere yayitsinze ku manota 7-6, seti ya kabiri ayitsindwa ku manota 6-3, mu gihe Osaka ariwe wegukanye Seti ya nyuma ku manota 6-3.

Ku rundi ruhande, kugira ngo Victória Fyódorovna Azárenka agere ku mukino wa nyuma, muri 1/4 yari yasezereye Elise Mertens amutsinze ama-seti (2-0) kuko seti ya mbere yayitsinze ku manota 6-1, naho iya kabiri ayitsinda ku manota 6-0.

Muri 1/2, Azárenka yasezereye Serena Williams amutsinze ama-seti (3-1), aho seti ya mbere yegukamwe na Serena Williams atsinze amanota 6-1 seti ya kabiri yagukanwa na Azárenka atsinze amanota 6-3, ndetse seti ya nyuma nayo ayegukana ku manota 6-3.

Naomi Osaka wegukanye US Open, umwanya mwiza yigeze kugira muri uyu mukino, n'ubwo yabaga nomero ya mbere ku Isi mu cyiciro cy'abagore, aha hari tariki ya 28 Mutarama 2019, ni mu gihe kuri ubu ari ku mwanya wa cyenda (9) ku Isi, akaba ari umwanya yagiyeho 31 Kanama 2020.

Naomi yahawe igikombe

Osaka akina nk'umuntu umwe 'Single woman' yegukanye irushanwa rya Australian Open mu mwaka wa 2017, yegukanye kandi US Open ya 2018, 2020, yabashije kugera mu gice cya gatatu 'third Rounds' inshuro eshatu (3) muri Frech Open, aha hari mu mwaka wa 2016, 2018, 2019, muri iki gice cya gatatu, na none kandi yahageze inshuro 2 mu irushanwa rya Wimbledon mu mwaka 2017, 2018.

Azárenka usanzwe utozwa na Dorian Descloix kuva muri Gashyantare 2020, kuri 30 Gashyantare 2012 yabaye nomero ya mbere ku Isi, ni mu gihe kuri ubu abarizwa ku mwanya wa 27, umwanya yagiyeho guhera tariki ya 31 Kanama 2020.

Image

Naomi agera ku kibuga

ImageImage

Image

Image

Image

Image

Uko imibare yari imeze


Gira icyo ubivugaho


INKURU BIJYANYE


By NSANZIMANA Christopher
Sep 13, 2020 115 Views

By NSANZIMANA Christopher
Sep 14, 2020 114 Views