Inter Milan itsinze AC Milan ivuye inyuma ibitego 2-0 ifata umwanya wa mbere muri Serie A

By Mugisha Aimé-Thierry Feb 10, 2020 01:07am 1024 Views

Inter Milan itsinze AC Milan ivuye inyuma ibitego 2-0 ifata umwanya wa mbere muri Serie A


Inter Milan yigaragaje mu gice cya kabiri itsinze AC Milan ivuye inyuma ibitego 2-0 mu mukino ukomeye cyane ihita ifata umwanya wa mbere ku rutonde rwa shampiyona y'Ubutaliyani.

Mbere y'umukino, Inter Milan yarihagaze ku mwanya wa gatatu ariko yayinyuzeho ihita ifata umwanya wa mbere, inganya amanota na Juventus yegukanye igikombe cya shampiyona y'Ubutaliyani ariko Inter Milan ikayobora ku kinyuranyo cy'ibitego amakipe azigamye [Juventus izigamye ibitego 21, Inter izigamye ibitego 28].

Ante Rebic yatsinze igitego cya kabiri cyaje gikurikira igitego cya Zlatan Ibrahimovic watsindaga igitego cye cya gatatu mu mikino itandatu akiniye AC Milan nuko igice cya mbere kirangira AC Milan iyoboye ku bitego 2-0.

Mu gice cya kabiri, Inter Milan yaje yataka bikomeye cyane, Marcelo Brozovic na Matias Vecino bayitsindira ibitego byo kwishyura byabonetse mu minota itatu [Brozovic ku munota wa 51 w'umukino na Vecino ku munota wa 53 w'umukino] mbere yuko Stefan de Vrij na Romelu Lukaku bashimangira intsinzi. Umukino urangira Inter Milan itsinze ibitego 4-2.

AC Milan yari imeze neza munsi y'umutoza Stefano Pioli, aho yatakaje umukino umwe mu mikino 11 baheruka gukina muri shampiyona bafitwe n'uyu mutoza wahoze atoza Inter Milan, ariko uburyo bitwaye mu gice cya kabiri bitumye baguma ku mwanya wa 10 ku rutonde rwa shampiyona.

Inter Milan imaze imikino 16 ya shampiyona idatsindwa izakira Napoli kuwa Gatatu mbere yuko bacakirana na Lazio bari guhatanira igikombe cya shampiyona [bayirusha amanota abiri] ku Cyumweru gitaha.

Mu mikino yabaye ku Cyumweru hakiri kare, abasore ba Siome Inzaghi bitwaye neza bakomeza kongera imikino bamaze badatsindwa muri shampiyona igera kuri 18 aho batsinze Parma igitego 1-0 cyatsinzwe na Felipe Caicedo wahoze muri Manchester City. Napoli itamerewe neza yatsinzwe na Lecce ibitego 3-2 - Juventus yatsinzwe na Hellas Verona ibitego 2-1 kuwa Gatandatu.

Uko imikino y'umunsi wa 23 yagenze

FT: Inter 4-2 AC Milan

FT: SPAL 1-2 Sassuolo

FT: Brescia 1-1 Udinese

FT: Genoa 1-0 Cagliari

FT: Napoli 2-3 Lecce

FT: Parma 0-1 Lazio

FT: Fiorentina 1-2 Atlanta

FT: Torino 1-3 Sampdoria

FT: Roma 2-3 Bologna

FT: Hellas Verona 2-1 Juventus


Gira icyo ubivugaho


INKURU BIJYANYE


By Kwizera Yamini
Oct 31, 2017 2722 Views

By Kwizera Yamini
Oct 31, 2017 1222 Views

By Kwizera Yamini
Nov 8, 2017 2337 Views