Odion Ighalo azaba ari mu bakinnyi Manchester United izakoresha ku mukino wa Chelsea

By Mugisha Aimé-Thierry Feb 11, 2020 12:46pm 667 Views

Odion Ighalo azaba ari mu bakinnyi Manchester United izakoresha ku mukino wa Chelsea


Odion Ighalo ashishikajwe cyane no gukina umukino we wa mbere muri Manchester United kandi azaba ari mu bakinnyi bazerekeza ku mukino wa Chelsea.

Umutoza wa Manchester United, Ole Gunnar Solskjaer yemeje ko uwahoze ari rutahizamu wa Watford Odion Ighalo azaba ari mu bakinnyi bazakoreshwa na Manchester United mu mukino w'umunsi wa 29 wa shampiyona y'Ubwongereza ubwo izaba yasuye Chelsea kuri Stamford Bridge.

Odion Ighalo yageze muri Manchester United ku munsi wa nyuma w'isoko ry'igura n'igurishwa ku ntizanyo avuye muri Shangain Shenua bitewe nuko rutahizamu wa Manchester United, Marcus Rashford wayitsindiye ibitego 14 muri shampiyona y'Ubwongereza yagize ikibazo cy'imvune.

Ole Gunnar Solskjaer aganira na MUTV - “Odion Ighalo azagana natwe ku mukino wa Chelsea. Tuzareba uko ahagaze muri iki cyumweru ariko ndatekereza zamererwa neza cyane. Turashaka kumwifashisha vuba bishoboka kubera ko nawe ashishikajwe no gukinana natwe.”

Ole Gunnar Solksjaer aherereye muri Espanye aho Manchester United yagiye gufatira ibiruhuko, Odion Ighalo we yasigaye mu gihugu cy'Ubwongereza kubera gucunga umutekano w'ikipe bijyanye na Coronavirus nyuma yuko uyu rutahizamu ahageze avuye muri China.

Undi mukinnyi Manchetser United yasinyishije ni Bruno Fernandes, wakinnye umukino we wa mbere muri iyi kipe ku mukino Manchester United yanganyijemo na Wolves 0-0 mu ntangiro z'uku kwezi. Solskjaer ashishikajwe cyane no kubona ibyo uyu musore ukina mu kibuga hagati abazaniye.


Gira icyo ubivugaho


INKURU BIJYANYE


By Kwizera Yamini
Oct 26, 2017 3240 Views

By Kwizera Yamini
Oct 26, 2017 8155 Views

By Kwizera Yamini
Oct 26, 2017 4033 Views