Liverpool yananiwe kugura Koulibaly ikomeje kwifuza myugariro wa Chelsea

By Imikino Magazine Aug 11, 2020 07:28am 356 Views

Liverpool yananiwe kugura Koulibaly ikomeje kwifuza myugariro wa Chelsea


Nyuma yo kwegukana igikombe cya shampiyona umwaka w'imikino 2019-2020 hari hashize imyaka 30 itagitwara, Liverpool ikomeje urugamba rwo kwiyubaka nk'ikipe ishaka guhanganira ibikombe byose izitabira.

Iyi kipe y'umutoza Jurgen Kloop, imaze igihe yifuza myugariro wo kuza gufatanya na Virgil Van Djik, kugirango yubake ubwugarizi butajegajega.

Muri ba myugariro yifuzaga bari barangajwe imbere na Kalidou Koulibaly ukinira ikipe ya Napoli, gusa umuyobozi wa Napoli witwa Aurelio De Laurantiis yatangaje ko ikipe imwifuza igomba kuzamutangaho miliyoni 100 z'amapawundi.

Nyuma y'uko Liverpool ibonye ko igiciro cya Kalidou Koulibaly kiremereye, yatangiye gushaka uko yakwegukana myugariro w'umudage w'imyaka 27 y'amavuko Antonio Rudiger ukinira ikipe ya Chelsea.

Amakuru aturuka mu kinyamakuru Mundo Deportivo, aremeza ko ibiganiro hagati y'impande zombi birimbanyije, umutoza wa Liverpool akaba yaramaze gusaba ubuyobozi bw'ikipe ko bwamugura muri iyi mpeshyi y'umwaka wa 2020.

Antonio Rudiger, ni Umudage w'imyaka 27 y'amavuko unafite ubwenegihugu bwa Sierra Leone. Yageze muri Chelsea mu mpeshyi ya 2016, avuye muri AS Roma yo mu Butaliyani. Amaze gukinira ikipe y'igihugu y'ubudage imikino 30.

N'ubwo ikipe ya Liverpool, yafashe hasi no hejuru yifuza gusinyisha myugariro Antonio Rudiger, abakurikirana umupira w'amaguru bemeza ko uyu mukinnyi atari ku rwego rwo gukinira ikipe ikomeye nka Liverpool, cyane ko ari myugariro ukunda kurangwa n'amakosa menshi.

Abandi bakinnyi Liverpool yifuza barimo; Thiago Alcantara ukinira Bayern Munchen, ikaba ishobora kumusinyisha muri uku kwezi kwa Kanama, mbere y'uko isoko ry'igura n'igurisha ry'abakinnyi ku mugabane w'i Burayi rifunga imiryango.

 

Yanditwe na Serge Leandre

No Picture Available

Antonio Rudiger


Gira icyo ubivugaho


INKURU BIJYANYE


By Kwizera Yamini
Oct 26, 2017 3793 Views

By Kwizera Yamini
Oct 26, 2017 8782 Views

By Kwizera Yamini
Oct 26, 2017 4512 Views