Covid-19: Indi mikino yafunguriwe imyitozo mu Rwanda

By Ngabo Mihigo Frank Jul 9, 2020 11:43am 354 Views

Covid-19: Indi mikino yafunguriwe imyitozo mu Rwanda


Ku nshuro ya kabiri, Minisiteri ya Siporo y' u Rwanda yashyize hanze urutonde rw' imikino na siporo zemerewe gukorwa, aho abakinnyi b'iyo mikino bemerewe gukora imyitozo ariko ntibategure cyangwa ngo bagire amarushanwa muri iki gihe icyorezo cya Coronavirus cyugarije isi.

Muri Kamena, hari imikino na siporo zikorerwa hanze (Outdoor Sports) zari yafunguriwe amarembo hakorwa imyitozo, ari yo,' Fencing, Hiking, Golf, Motor Sports, Athletic Sports, Cycling, Gymnastics na Tenis.

Indi mikino na siporo byafunguriwe imyitozo kuri ubu ni,' Badminton, Cricket, Boxing, Aerobic, Karate, Kung-Fu, Taekwondo, Judo, Skating, Archery na Gymnastic. Minisports yasabye ko hagomba gukurikizwa amabwiriza yo kwirinda Covid-19 mu gihe cy'ibikorwa bya siporo.

Minisports kandi yasabye amashyirahamwe y'imikino yafunguwe kuyishyikiriza ingengabihe z'ibikorwa kugira ngo hazabeho igenzura ku iyubahirizwa ry'amabwiriza yo kwirinda Covid-19.

Abakora izi siporo zafunguwe, bibukijwe kwambara neza udupfukamunwa mbere na nyuma y'imyitozo, gukoresha imiti y'isuku 'Hand Sanitizer' kenshi gashoboka ndetse no gusukura cyane ibikoresho byifashishwa muri iyi mikino. Umuntu ufite kimwe mu bimenyetso bya Covid-19 ntiyemerewe kujya mu bandi, ahubwo arasabwa kwegera ubuvuzi.

Icyorezo cya Coronavirus cyavuzwe mu Rwanda bwa mbere muri Werurwe 2020, aho hahagaritswe ibikorwa byinshi birimo n'iby'imikino biteganijwe kuzasubukurwa byose muri Nzeri 2020.


Gira icyo ubivugaho


INKURU BIJYANYE


By Ngabo Mihigo Frank
Jun 6, 2019 908 Views

By Ngabo Mihigo Frank
Jul 3, 2019 950 Views

By Nsengiyumva Innocent
Jul 23, 2019 627 Views