Bayern München yihanangirije Chelsea, Barcelona inanirwa kwikura mu Butaliyani

By Mugisha Aimé-Thierry Feb 26, 2020 12:59am 966 Views

Bayern München yihanangirije Chelsea, Barcelona inanirwa kwikura mu Butaliyani


Ibitego bya Robert Lewandowski na Serge Gnabry byafashije Bayern München kwitwara neza imbere ya Chelsea mu gihe Barcelona yanganyije na Napoli mu Butaliyani, Lionel Messi akomeza mubura igitego cyo hanze mu mikino yo gukuranwamo muri Champions League.

Nyuma yuko Chelsea yegukanye igikombe cya Champions League itsinze Bayern München ku mukino wa nyuma ku kibuga cyayo muri 2012, iyi kipe yatwaye igikombe cya shampiyona y'Ubudage giheruka ibyitwayemo neza ibyo benshi bise kwihorera.

Mu gice cya mbere cy'umukino cyarangiye amakipe yombi anganyije 0-0 nubwo Bayern München yarushije Chelsea cyane harimo n'uburyo bukomeye Thomas Müller yabonye umupira ukagonga ipoto.

Mu gice cya kabiri, Bayern München yagarutse yataka cyane nuko ku munota wa 51 w'umukino, ku mupira Serge Gnabry yahawe na Robert Lewandowski yateretsemo igitego cya mbere cya Bayern München mbere yuko aterekamo ikindi ku munota wa 54 w'umukino nanone ku mupira yahawe na Robert Lewandowski.

Ku mupira wazamuwe neza na Alphonso Davies ku ruhande rw'ibumoso, yahinduye umupira mwiza imbere y'izamu nuko Robert Lewandowski aterekamo igitego cya gatatu cya Bayern München mbere yuko Marcos Alonso yerekwa ikarita y'umutuku ku ruhande rwa Chelsea nuko umukino urangira Bayern München itsinze Chelsea ibutego 3-0.

Mu wundi mukino wabaye Barcelona yari yerekeje mu Butaliyani kwa Napoli umukino urangira amakipe. yombi anganyije igitego 1-1 nubwo Barcelona yihariye umupira cyane kurusha ikipe yakiye.

SSC Napoli niyo yafunguye amazamu ku gitego cyatsizwe na Dries Mertens ku mupira yahawe na Piotr Zielinski cyaje kwishyurwa na Antoine Griezmann mbere yuko Arturo Vidal yerekwa ikarita y'umutuku ku ruhande rwa Barcelona.

Uko imikino yagenze muri rusange

FT: Napoli 1-1 Barcelona
FT: Chelsea 0-3 Bayern München

Imikino iteganyijwe

Kuwa Gatatu, 26 Gashyantare

22:00 — Lyon v Juventus
22:00 — Real Madrid v Man City


Gira icyo ubivugaho


INKURU BIJYANYE


By Mugisha Aimé-Thierry
Aug 29, 2019 1450 Views

By Mugisha Aimé-Thierry
Oct 31, 2019 742 Views

By Mugisha Aimé-Thierry
Feb 26, 2020 966 Views