Bidasubirwaho: Hakim Ziyech azakina shampiyona y' u Bwongereza uhereye mu mpeshyi ya 2020

By Ngabo Mihigo Frank Feb 13, 2020 02:45pm 373 Views

Bidasubirwaho: Hakim Ziyech azakina shampiyona y' u Bwongereza uhereye mu mpeshyi ya 2020


Rutahizamu w'umunya-Maroc Hakim Ziyech usanzwe akinira ikipe ya Ajax Amsterdam mu Buholandi yamaze kugurwa n'ikipe ya Chelsea ibarizwa muri shampiyona y'icyiciro cya mbere mu Bwongereza.

Amakuru yasakaye mu binyamakuru bitandukanye mu masaha y'igicamunsi yemeje ko Chelsea yamaze gushyira umukono ku masezerano n'uyu rutahizamu wigaragarije isi cyane kuva mu myaka ibiri ishize.

Urubuga rwa Transfermarket rwanditse ko uyu rutahizamu w'imyaka 26 y'amavuko yaguzwe miliyoni 40  z'amayero akaba ateganijweho kongera imbaraga mu busatirizi bw'iyi kipe.

Hakim Ziyech yagize uruhare mu bitego 166 kuva yagera muri Ajax Amsterdam  mu mwaka wimikino wa 2012-13 avuye muri Twente FC. Yayitsindiye ibitego 79 atanga impira 87 ivamo ibitego.

Hakim Ziyech yavukiye i Dronten mu gihugu cy' u Buholandi mu mwaka w'1993, aho yatangiriye gukina umupira   mu mwaka wa 2001. Ziyech yakiniye ikipe y'igihugu y' u Buholandi mu batarengeje imyaka 19,20 na 21 mbere yo gukinira ikipe y'igihugu ya Morocco nkuru, aho se umubyara akomoka.


Gira icyo ubivugaho


INKURU BIJYANYE


By Kwizera Yamini
Oct 26, 2017 3240 Views

By Kwizera Yamini
Oct 26, 2017 8155 Views

By Kwizera Yamini
Oct 26, 2017 4033 Views