Basketball: Makiadi Michael uherutse gutandukana na Patriots BBC, yabonye ikipe nshya

By Ngabo Mihigo Frank Feb 11, 2020 08:23pm 413 Views

Basketball: Makiadi Michael uherutse gutandukana na Patriots BBC, yabonye ikipe nshya


Umunya-Kenya ukina Basketball Makiadi Michael yamaze gusinyira ikipe ya City Oilers Basketball Club yo muri Uganda, nyuma y'icyumweru kimwe atandukanye na Patriots BBC yo mu Rwanda yahesheje ibikombe bibiri bya shampiyona biheruka. 

Inkuru y'itandukana rya Michael Makiadi na Patriots BBC ryamenyekanye Kuwa 6 Gashyantare 2020 nyuma yaho we ubwe yasezeye kuri iyi kipe itaramwifashishije mu ijonjora rya nyuma ryo gushaka itike y'imikino nyafurika 'BAL' yabereye hano i Kigali mu Ukuboza 2019.

Amakuru dukesha ikinyamakuru cyandika ibijyanye na Siporo muri Uganda 'KawowoSports' aremeza ko Makiadi Michael yamaze gusinyira ikipe ya City Oilers ifite ibikombe birindwi bya shampiyona y'icyiciro cya mbere muri Uganda.

Makiadi Michel ukina inyuma (kuri 5) yageze mu Rwanda mu mwaka wa 2017 avuye muri Betway BBC yo muri Uganda. Ni umwe mu bakinnyi babaye inkingi za mwamba muri Patriots BBC mu myaka 2 ishize, aho yabafashije gutwara ibikombe bibiri bya shampiyona bakigaranzura REG BBC.

Michael Ongesa Makiadi w'imyaka 30 y'amavuko arangwa n'ishyaka ndetse n'imbaraga nyinshi mu kibuga asanzwe akinira ikipe y'igihugu ya Kenya 'Kenya National Basketball Team'.

Photos: Funclub

No Picture Available

Makiadi Yishimira igikombe


Gira icyo ubivugaho


INKURU BIJYANYE


By Nsengiyumva Innocent
Feb 14, 2019 775 Views

By Ngabo Mihigo Frank
Apr 20, 2019 1724 Views

By Ngabo Mihigo Frank
Jun 5, 2019 1011 Views