Artiz Aduriz yaginze icyo avuga kuri Real Madrid na Barcelona nyuma yuko zisezerewe muri Copa del Rey

By Mugisha Aimé-Thierry Feb 11, 2020 01:23am 733 Views

Artiz Aduriz yaginze icyo avuga kuri Real Madrid na Barcelona nyuma yuko zisezerewe muri Copa del Rey


Rutahizamu wa Athletic Bilbao yizeye ko azasoza urugendo rwe rwo gukina umupira w'amaguru byibuza yegukanye igikombe cy'Umwami [Copa del Rey] ndetse yemeza ko yarambiwe kubona Real Madrid na Barcelona zegukana ibikombe byose muri Espanye.

Athletic Bilbao yasezereye Barcelona muri 1/4 kirangiza cya Copa del Rey mu Cyumweru gishize nyuma y'igitego cyabonetse mu minota y'inyongera cyitsinzwe na Sergio Busquets mu gihe Real Mardid yasezerewe na Real Sociedad iyitsinze ibitego 4-3, imikino yose yabaye ku munsi umwe.

Nyuma y'imyaka 65 ni ubwa mbere Real Madrid na Barcelona zari zisezerewe ku munsi umwe muri Copa del Rey. 

Muri 1/2 kirangiza, Athletic Bilbao izacakirana na Ganada mu gihe Real Sociedad izaba itana mu mitwe na Mirandes. Hazaba umukino umwe wonyine nyuma yuko bavuguruye amategeko ya Copa del Rey bagakuraho ko bakina umukino ubanza nuwo kwishyura mu rwegog rwo guha amwe mu makipe mato amahirwe.

Artiz Aduriz yari ari mu ikipe yatsinzwe na Barcelona ku mukino wa nyuma wa Copa del Rey muri 2015, mu gihe Barcelona yakegukanye inshuro enye zikurikiranya [uturutse 2015 niyo yagitwaraga]. Athletic imaze gutakaza imikino itatu ya nyuma itsindwa na Barcelona kuva 2009, kandi na Aduriz yegereje gusoza urugendo rwe rwo gukina umupira w'amaguru.

Artiz Aduriz aganira na Panenka Magazine Gala — “Uburyo bushya turi gukinamo iri rushanwa ni bwiza cyane. Twari turambiwe kubona Real Madrid na Barcelona zegukana ibikombe byose. Ariko ni byiza kubona irushanwa rimeze gutya, ushobora kubibona mu Bwongereza. Ni uburyo abantu bakunda.

“Numvaga nshaka kwegukana igikombe mu gihe kirekire gishize. Ku ntangiriro, nk'imikino ariko ubu biregereje, ariko birakomeye cyane. Ibaze gusezera ku mupira w'amaguru nyuma y'uyu mwaka w'imikino ukanatwara igikombe. Ni inzozi za buri umwe.”


Gira icyo ubivugaho


INKURU BIJYANYE


By Kwizera Yamini
Oct 25, 2017 9954 Views

By Kwizera Yamini
Oct 26, 2017 3204 Views

By Kwizera Yamini
Oct 27, 2017 3780 Views